«Па шматлікіх і настойлівых просьбах». Ганна Канапацкая будзе ўдзельнічаць ва УНС

Такая інфармацыя размешчана ў інстаграме Канапацкай.

Скандальна вядомая сваімі зневажальнымі выказваннямі аб іншых кандыдатах падчас выбарчай кампаніі Ганна Канапацкая прыме ўдзел ва Усебеларускім народным сходзе.
«Па шматлікіх і настойлівых просьбах сваіх прыхільнікаў і калегаў прыняла запрашэнне на ўдзел у VI Усебеларускім народным сходзе. Голас канструктыўнай апазіцыі павінен гучаць і там. Дадам прыгажосці і крэатыву гэтага мерапрыемства! Серыю незабыўных сэлфі з месца падзей гарантую», – напісала ў сваім Instagram Канапацкая.