Палітвязняў асудзілі яшчэ і за здзек са сцяга — і дадалі тэрмін

Палітвязняў Іллю Патрушава і Віктара Шмігельскага, якія адбываюць пакаранне, зноў асудзілі. На гэты раз — за здзек з дзяржаўнага сцяга, паведамляюць праваабаронцы.

photo_2021_10_21_11_29_53.jpg

У судзе Жлобінскага раёна вынесены прысуд па крымінальнай справе за «здзек з дзяржаўных сімвалаў» (арт. 370 КК РБ). На лаве падсудных — двое мясцовых жыхароў: палітвязні Ілля Патрушаў і Віктар Шмігельскі. У сакавіку ім ужо прысудзілі па тры гады калоніі за ўдзел у акцыях пратэсту ў Жлобіне пасля выбараў.

Згодна з матэрыяламі абвінавачання, у верасні 2020 года Патрушаў і Шмігельскі знялі з аддзялення «Белпошты» дзяржаўны сцяг і зайшлі ў бліжэйшы двор, дзе «працягвалі абразлівыя дзеянні ў дачыненні да дзяржаўнага сімвала».

Суддзя Наталля Качалава прызнала іх вінаватымі і прызначыла па адным годзе «хіміі» кожнаму.

Па сукупнасці пакаранняў палітвязням прысудзілі два гады і восем месяцаў калоніі. Такім чынам, да ранейшага пакарання дадалося яшчэ два месяцы калоніі.