Праект указа: непрыватызаваныя да 1 ліпеня 2016 кватэры трапяць у фонд арэнднага жылля

Пра гэта гаварылася 26 лістапада на нарадзе аб фарміраванні фонду жылых памяшканняў камерцыйнага выкарыстання з удзелам Лукашэнкі.



Урад падрыхтаваў праект указа «Аб некаторых пытаннях прававога рэгулявання жыллёвых адносін», павелдамляе БЕЛТА. Па словах Лукашэнкі, прапановы ўносяць сур'ёзныя змены ў жыллёвую палітыку.
Па сутнасці, прапануецца новы падыход да фарміравання фонду жылля камерцыйнага выкарыстання або так званага арэнднага жылля.
Аляксандр Лукашэнка падкрэсліў, што ў Беларусі жыллёвае будаўніцтва ўжо не адзін год знаходзіцца ў ліку галоўных прыярытэтаў.
«Мы зусім нядаўна заявілі аб тым, што будзем выкарыстоўваць новую форму — узвядзенне і пашырэнне аб'ёмаў арэнднага жылля. Гэта запатрабавала і распрацоўкі адпаведнага нарматыўнага акту, каб увесці ў прававое поле новыя працэсы, — адзначыў ён.
«Перш чым прыняць канчатковае рашэнне па гэтым вельмі важным пытанні, я хацеў бы пачуць аб тым, ці ўсё тут выверана і прадумана, каб нам не давялося праз месяц ці паўгода, як гэта ў нас часта бывае, уносіць нейкія змены, дапаўненні, а яшчэ горш — адступаць ад тых рашэнняў, якія мы можам сёння прыняць».
Урад падрыхтаваў праект указа «Аб некаторых пытаннях прававога рэгулявання жыллёвых адносін». Па словах кіраўніка дзяржавы, прапановы ўносяць сур'ёзныя змены ў жыллёвую палітыку.
Па сутнасці, прапануецца новы падыход да фарміравання фонду жылля камерцыйнага выкарыстання або так званага арэнднага жылля. Аляксандр Лукашэнка пералічыў шэраг мер, якія прапануюцца праектам дакумента.
Па-першае, што тычыцца стварэння фонду арэнднага жылля, да 1 красавіка 2014 плануецца перавесці ў яго ўсё заселеныя службовыя і спецыяльныя жылыя памяшканні.
А пасля 1 ліпеня 2016 — уключыць у гэты фонд і непрыватызаваныя на гэтую дату грамадзянамі дзяржаўныя кватэры, якіх налічваецца каля 330 тыс.
«Не прыватызуюць, значыць, мы ўсе туды ўключым, зробім гэта дзяржаўнае жыллё арэндным, і плата за гэтыя кватэры будзе як за арэнднае жыллё», — сказаў Лукашэнка.
Па-другое, усталёўваецца пералік грамадзян, якія маюць права на прадастаўленне арэнднага жылля.
Да таго ж мяркуецца, што атрыманне арэнднага жылля будзе лічыцца паляпшэннем жыллёвых умоў з наступным здыманнем з чаргі маючых патрэбу.
«Гэта само сабой зразумела. Атрымаў кватэру, тым больш што мы дамовіліся аб тым, што кошт арэнднага жылля будзе ніжэй, чым сёння рынкавы прыкладна напалову. Натуральна, што гэта будзе паляпшэнне. Якія яшчэ чэргі ды льготы?» — сказаў Лукашэнка.
Па-трэцяе, вызначаецца памер платы за карыстанне арэндным жыллём. Пры гэтым аблвыканкамы і Мінгарвыканкам будуць мець права ўсталёўваць паніжальныя і падвышальныя каэфіцыенты.
Пераглядаюцца таксама падставы для пастаноўкі на ўлік маючых патрэбу ў паляпшэнні жылля з мэтай вызначаць рэальныя патрэбы людзей і выключыць неабгрунтаваныя прэтэнзіі.
«Гэта таксама правільна. Шарлатанства быць не павінна. Беларусь з'яўляецца адной з нямногіх дзяржаў, дзе прадастаўлены падобныя льготы, дзе дзяржава прадастаўляе магчымасць на льготных умовах будаваць жыллё. Таму тут павінна быць усё сумленна і справядліва», — заявіў Лукашэнка.
belta.by