Праваабаронцу Насту Лойку трэці раз запар арыштавалі на 15 сутак

Як і ў папярэднія разы, Лойку асудзілі паводле арт. 19.1 КаАП («дробнае хуліганства»), паведамляе Human Constanta.

Нагадаем, Насту затрымалі 28 кастрычніка. Пазней праваабаронцы двойчы прысудзілі па 15 сутак арышту за «дробнае хуліганства» (арт. 19.1 КаАП).

На мінулым судзе Наста распавядала пра катаванні — супрацоўнік ГУБАЗіК ударыў яе электрашокерам, а адзін з супрацоўнікаў ЦІП вывеў яе ва ўнутраны двор і пакінуў без вопраткі на 8 гадзін.