Прэс-служба Ватыкана: Папа Францішак заклапочаны сітуацыяй у Беларусі, таму прыслаў Гуджэроці

Папа Рымскі Францішак занепакоены цяперашняй сітуацыяй у Беларусі. Пра гэта паведаміў у чацвер кіраўнік службы друку Святога Прастола Матэа Брун, піша «Наша Ніва».

«Магу паведаміць, што сёння раніцай мансеньёр Клаўдыа Гуджэроці, былы нунцый у Беларусі, у якасці спецыяльнага пасланца Папы Рымскага сустрэнецца з прэзідэнтам Аляксандрам Лукашэнкам, каб выказаць занепакоенасць Папы Францішка цяперашняй сітуацыяй у краіне», — сказаў Бруні.
Нагадаем, што кіраўнік Каталіцкага касцёла Тадэвуш Кандрусевіч неаднаразова асудджаў дзеянні сілавікоў у дачыненні да дэманстрантаў. 31 жніўня беларускія памежнікі не ўпусцілі яго ў краіну, калі той вяртаўся з Польшчы. Лукашэнка тады заявіў, што Кандрусевіч выехаў для кансультацый у Варшаву, дзе «атрымаў пэўныя задачы», з-за гэтага яго не ўпусцілі назад.