Расійскія казакі ўжо на Гомельшчыне

Мазыр, як і некаторыя іншыя населеныя пункты Гомельшчыны, уваходзяць у прабег коннай каманды на Берлін.



Услед за байкерамі з "Начных ваўкоў" казачыя дружыны Расіі вырашылі паўтарыць маршрут рускіх кавалерыстаў ў гады Другой сусветнай вайны.

Паход пачаўся з Масквы 30 траўня. Акрамя Беларусі казакі праедуць яшчэ праз Польшчу і Нямеччыну, завершыцца паход у жніўні ў Берліне. Агульны маршрут прабегу — каля 2,5 тысяч кіламетраў.

Як піша TUT.by, на тэрыторыю Беларусі ўдзельнікі прабегу прыехалі з Бранскай вобласці. У Граноўцы казакоў сустракалі прадстаўнікі адміністрацыі і міліцыі, праваслаўнай царквы і вялікая колькасць мясцовых жыхароў.

28 чэрвеня казакі наведаюць Курган Славы, дзе правядуць малебен.

Для мясцовых жыхароў казакі правядуць джыгітоўку. Адбудзецца і канцэрт, які дадуць беларускія казачыя ансамблі, што далучыліся да гасцей на гомельскім адрэзку шляху.

Пасля Мазыра конны казачы паход расейцаў адправіцца ў Пінск.