21 лютага міліцыя змусіла траіх журналістаў недзяржаўных СМІ пакінуць вёску Нязнанава Навагрудскага раёна Гродзенскай вобласці.
Карэспандэнт інтэрнэт-газеты “Салідарнасць Сяргей Балай і карэспандэнты газеты “Обозреватель Аляксей Мацюшкоў і Дзмітрый Корсак спрабавалі высветліць прычыны прымусовага знішчэння ўсіх свіней у гэтым населеным пункце.
Як распавёў “Салідарнасці Сяргей Балай, у хуткім часе пасля прыезду карэспандэнтаў у вёску там з’явіліся супрацоўнікамі Навагрудскага РАУС: “Двое падпалкоўнікаў заявілі, што на тэрыторыі, дзе праводзяцца вучэнні, нам знаходзіцца нельга. У выпадку непадпарадкавання іх прыгразілі даставіць у пастарунак “для высвятлення абставін.
У катэгарычнай форме яны запатрабавалі выдаліць усе фотаздымкі, на якіх прысутнічалі. Фотакарэспандэнтам, аднак, удалося сфатаграфаваць “картэж у люстрэка задняга віду.
Паводле baj.by
