Сто тысяч рублёў дзеля 1000 праектаў, якія могуць зменіць Беларусь
Анлайн-платформа Talaka 5 чэрвеня абвясціла пра старт кампаніі "1000 праектаў для тваёй Беларусі" — #talaka1000.
Галоўнай мэтай кампаніі стане павышэнне колькасці ініцыятыўных людзей і стварэнне імі новых 1000 праектаў. Яны будуць мяняць гарадское асяроддзе, прыцягваць інвестыцыі, развіваць стартап-экасістэму, супрацоўнічаць адзін з адным, станавіцца новымі Viber, MSQRD і Wargaming.
Галоўная праблема любой сферы Беларусі крыецца не ў вузкасці рынку, адсутнасці грошай або канкурэнцыі. Як паказвае вопыт стартап- і краўдфандынг-сферы, фінансавых сродкаў больш, чым добрых праектаў. Інтэрнэт ужо прывучыў людзей думаць глабальна. Сёння беларускія праекты канкуріруюць з сусветнымі аналагамі. Толькі канкурэнтаздольных праектаў зусім мала, нават у параўнанні з краінаімі-суседзямі. Глабальная мэта кампаніі зрабіць так, каб такіх праектаў стала ў шмат разоў больш.
Talaka за пяць гадоў сваёй гісторыі дапамагла рэалізавацца сотням праектаў і сабраць больш за $450 тысяч для іх рэалізацыі. Назапашаны ўнікальны вопыт, атрыманы дзясяткі інсайтаў. Але найбольшая каштоўнасць — гэта стварэнне супольнасці "талакоўцаў".
Яны цікавяцца праектамі і любяць тых, хто актыўны. Нярэдка дапамагаюць як валанцёры і інвестуюць у добрыя ідэі. Гэта вельмі рацыянальна быць такімі, нават калі вас няма сярод 42 тысяч чалавек, зарэгістраваных на Talaka.org. Вы падтрымліваеце праекты, а яны ствараюць нешта новае. Паляпшаюць асяроддзе і свет. Рухаюць яго наперад.
Для рэалізацыі кампаніі "1000 праектаў для тваёй Беларусі" краўдфандынгавая платформа Talaka.org абвяшчае старт збору на 100 000 беларускіх рублёў. У выніку з'явіцца не толькі 1000 новых праектаў, але і 3 новых сервіса платформы:
Cofounder Radar. Дапаможа ў знаходжанні сазаснавальніка і каманды праекта.
Startup Pulse. Збор сваёй аўдыторыі вакол праекта.
Solution Library. Апісанне ўсіх магчымых "грабель" для эканоміі часу, грошай і энергіі ініцыятыўных аўтараў.
«Запускаць праекты няпроста, таму шмат хто так і не робіць першы крок. Баіцца паспрабаваць, не мае запасу хода на эксперыменты, не можа знайсці падтрымкі, у першую чаргу нават маральнай. А мо не бачыць вакол людзей, што могуць стаць паплечнікамі ці параіць. Шмат якія праекты паміраюць менавіта так, яшчэ нават не нарадзіўшыся. Калі мы хацім зменаў, мы мусім мяняць сітуацыю», — распавядае заснавальнік і кіраўнік платформы Яўген Клішэвіч.
Падтрымаць кампанію "1000 праектаў для тваёй Беларусі" можна на спецыяльнай старонцы сайту.
Паводле прэс-рэлізу