Супраць сябра Каардынацыйнай рады Івана Краўцова распачата справа за крадзеж

Дэпартамент фінансавых расследаванняў Камітэта дзяржкантролю Беларусі распачаў крымінальную справу ў дачыненні да прадстаўніка Каардынацыйнай рады Івана Краўцова за крадзеж, паведаміў старшы інспектар па асабліва важных справах ДФР Арцём Дунько ў эфіры тэлеканала СТВ у пятніцу.

"У цяперашні час Дэпартаментам фінансавых расследаванняў распачата крымінальная справа ў дачыненні да Краўцова па ч. 4 арт. 210 Крымінальнага кодэкса Рэспублікі Беларусь. Гэта крадзеж, шляхам злоўжывання службовымі паўнамоцтвамі", — сказаў Дунько.
Крадзяжы, паводле звестак КДК, мелі месца ў той час, калі Краўцоў быў адным з кіраўнікоў ТАА "Архітэктурнае бюро 35" і паралельна — намеснікам дырэктара ААТ "Мінскі гадзіннікавы завод".
У сюжэце тэлеканала АНТ Дунько заявіў, што "на працягу чатырох гадоў Краўцоў разам са сваім партнёрам па бізнесе Вольгай Зелянкевіч, якая знаходзілася ў яго падначаленні і кіравала аддзелам архітэктараў, арганізавалі схему па пералічэнні грашовых сродкаў у адрас падкантрольнай ім фірмы "Архітэктурнае бюро 35" пад рознымі падставамі".
Па дадзеных КДК, "шкода, прынесеная дзеяннямі Краўцова і Зелянкевіч заводу, складае Br400 тыс.".
Паводле interfax.by