Святлана Алексіевіч і Анжаліна Джалі абмеркавалі сітуацыю ў Беларусі

Нобелеўская лаурэатка Святлана Алексіевіч і галівудская зорка амерыканка Анжаліна Джалі абмеркавалі сітуацыю ў Беларусі на сустрэчы, якую зладзілі «Фонд культурнай салідарнасці» разам з Amnesty International.

Акторка і пасол добрай волі ААН сказала, што надзвычай уражаная кнігай «У вайны не жаночы твар», якую нядаўна прачытала. Яна таксама выказала занепакоенасць наконт ціску на дзіцячы хоспіс у Гродна, за сітуацыяй вакол якога пільна сочыць.

Анжаліна і Святлана таксама размаўлялі пра палітвязняў і спосабы іх падтрымкі. У прыватнасці, беларуская пісьменніца распавяла пра гісторыю 17-гадовага Мікіты Залатарова.

Размова цягнулася каля дзвюх гадзінаў.