«Таму што я — беларус!» Славу Камісаранку забаранілі выступаць на кракаўскай пляцоўцы

Адзін з кракаўскіх клубаў адмовіўся даваць пляцоўку Камісаранку: "Таму што я — беларус, а, значыцца, падтрымліваю Лукашэнку", патлумачыў стэндап-комік.

kamisaranka_slava.jpg

Адміністрацыя пляцоўкі ў Кракаве адмовіла Славу Камісаранку ў правядзенні канцэрта. Тое, што на коміка заведзена ў Беларусі крымінальная справа, іх не пераканала.

«Ім жа горш. Не даведаюцца, адкуль на Беларусь рыхтаваўся напад», — пракаментаваў у сваім Instagram Слава Камісаранка.

Канцэрт коміка ўсё ж адбудзецца на новай пляцоўцы 28 траўня.

kamisaranka.jpg

Адметна, што Камісаранку ўжо больш за год забараняюць выступаць і ў Мінску. Але ў Беларусі — таму, што крытыкаваў Лукашэнку і казаў пра фальсіфікацыю выбараў 2020 года У пастаку 2021 года Мінгарвыканкам ануляваў Камісаранку гастрольныя пасведчанні, пасля «вывучэння матэрыялаў выступаў коміка». У студзені 2022 Камісаранка з’ехаў з Расіі, бо, нібыта, Маскве яго шукаў беларускі КДБ і коміка маглі выкрасці ды завесці ў Беларусь.