У Польшчы затрымалі групу кантрабандыстаў, якія спецыялізаваліся на беларускіх цыгарэтах

У Польшчы затрымалі восем чалавек, якія займаліся кантрабандай беларускіх цыгарэт, паведамляе Памежная служба Польшчы.

6 красавіка польскія памежнікі затрымалі чатырох мужчын і дзвюх жанчын у Острудскім павеце. У іх кватэрах, гаспадарчых пабудовах і грузавіку з прычэпам правялі ператрус, падчас якога высветлілася, што ў грузавіку пад торфам знаходзіцца больш за 300 тысяч пачкаў беларускіх цыгарэт. Усяго ў затрыманых знайшлі 430 пачкаў цыгарэт і 20 тысяч злотых наяўнымі.

8 красавіка памежнікі затрымалі яшчэ двух чалавек у тым жа павеце, якія перавозілі цыгарэты ў аўтамабілях з торфам. У двух грузавіках выявілі 820 тысяч пачкаў беларускіх цыгарэт.

Агульны кошт цыгарэт ацэньваецца ў 1,5 млн злотых (амаль 350 тысяч долараў). Затрыманым прад'явілі абвінавачванні ў кантрабандзе цыгарэт з Беларусі ў Польшчу. Ім пагражае да трох гадоў пазбаўлення волі.

Паводле reform.news.