У беларусаў праблемы з карткамі. Прычына — збой у Банкаўскім працэсінгавым цэнтры

У суботу з абеду сталі з'яўляцца скаргі на кепскую працу банкаўскіх картак. У Банкаўскім працэсінгавым цэнтры патлумачылі, што ў іх збой у працы абсталявання, паведамляе «Еўрарадыё».

«Паважаныя кліенты! Інфармуем вас, што ў цяперашні момант часу назіраецца частковая непрацаздольнасць тэрмінальнага абсталявання Ingenico», — гаворыцца ў паведамленні на сайце БПЦ.

У Банкаўскім працэсінгавым цэнтры абяцаюць зрабіць усё магчымае, каб аднавіць працаздольнасць у самы кароткі тэрмін.