У Беларусі спрасцілі рэгістрацыю лекаў

У Беларусі спрашчаецца працэдура дзяржаўнай рэгістрацыі лекаў, адпаведнае палажэнне зацверджана пастановай Савета Міністраў №191, паведамілі ў прэс-службе беларускага ўрада.

«Згодна з палажэннем, дзяржрэгістрацыі лекаў у спрошчаным парадку папярэднічае комплекс папярэдніх тэхнічных работ, звязаных з экспертызай дакументаў. Яго будзе праводзіць Цэнтр экспертыз і выпрабаванняў у ахове здароўя на падставе дагавора з заяўнікам ў тэрмін, які не перавышае 30 рабочых дзён з дня яго прыняцця. Гэта ж прадпрыемства будзе забяспечваць вядзенне справаводства і захоўванне дакументаў, звязаных са спрошчанай дзяржрэгістрацыяй», — гаворыцца ў паведамленні Саўміна.
Там адзначаецца, што агульная сума выдаткаў заяўніка на гэты від рэгістрацыі не павінна перавышаць 120 базавых велічынь без уліку падатку на дададзеную вартасць.
Таксама пастановай зацверджана палажэнне аб парадку правядзення інспектавання на адпаведнасць правілам належнай Дыстрыбутарскай практыкі ў рамках Еўразійскага эканамічнага саюза і выдачы заключэння па яго выніках.
Пастанова прынята ў мэтах выканання ўказа №499 «Аб звароце лекавых сродкаў».
interfax.by