У Беларусі шосты раз пройдзе Тыдзень даступнасці

Офіс па правах людзей з інваліднасцю ў шосты раз арганізоўвае Тыдзень даступнасці. У гэтым годзе серыя нефармальных інклюзіўных мерапрыемстваў пройдзе з 27 красавіка па 8 траўня.

У мерапрыемствах акрамя Офіса па правах людзей з інваліднасцю прымуць удзел Рэспубліканская калегія адвакатаў, Факультэт міжнародных адносін БДУ, Міністэрства спорту і турызму і іншыя.
Адна з самых галоўных мэтаў Тыдня — прызнанне даступнасці як базавай патрэбы ў цывілізаваным грамадстве, сцвярджэння даступнасці ўсіх правоў чалавека без дыскрымінацыі для людзей з інваліднасцю, а таксама прыцягненне ўвагі да розных аспектах праблем інваліднасці.
Галоўным акцэнтам Тыдня даступнасці 2018 будзе права на правасуддзе і даступнасць юрыдычнай дапамогі людзям з інваліднасцю.
Пра сваю працу за год раскажа юрыдычная прыёмная Офіса па правах людзей з інваліднасцю. Таксама на працягу Тыдня людзям з інваліднасцю будуць аказваць бясплатныя юрыдычныя кансультацыі ад Рэспубліканскай калегіі адвакатаў і Офіса па правах людзей з інваліднасцю.

Праграма тыдня даступнасці:

27 красавіка — круглы стол "Доступ да правасуддзя" з удзелам дырэктара Офіса па правах людзей з інваліднасцю Сяргея Драздоўскага

28 красавіка — велазабег ПРААН BIKE4SDGs у падтрымку Мэтаў устойлівага развіцця 3 траўня — круглы стол "Інфармацыя пра даступнасці як важны элемент развіцця турызму ў Беларусі" на базе ФМА БДУ
5 траўня — акцыя ў падтрымку Дня барацьбы за правы людзей з інваліднасцю і супраць дыскрымінацыі
7 траўня — прэзентацыя гадавога маніторынгу юрыдычнай прыёмнай Офіса па правах людзей з інваліднасцю.
Праграма застаецца адкрытай і свабоднай да далучэння ўсімі зацікаўленымі!