У Беразіно затрыманы саўладальнік «Студыі нацыянальнай беларускай татуіроўкі 1863» Андрэй Вайцяховіч
Пра затрыманне саўладальніка «Студыі нацыянальнай беларускай татуіроўкі 1863» Андрэя Вайцяховіча паведамілі праваабаронцы.
Вядома, што затрыманне адбылося ва ўласнай хаце мужчыны. Некалькі
месяцаў таму Андрэй прыехаў з Польшчы. Паводле папярэдняй інфармацыі, цяпер
мужчына знаходзіцца ў ІЧУ Беразіно. Прычына затрымання — невядомая.
Затрыманні беларусаў, якія вяртаюцца з эміграцыі, даўно стала ў лукашэнкаўскай Беларусі сістэмай. Пра недапушчальнасць вяртання не аднойчы паведамлялі праваабаронцы.
