У лесе знойдзены мёртвым афіцэр з Гомельскага гарнізона

Абставіны смерці начальніка службы супрацьпажарнай абароны і аварыйна-выратавальных работ высвятляе камісія Мінабароны сумесна са Следчым камітэтам.

Распачатая праверка па факце смерці афіцэра, які праходзіў службу ў адной з вайсковых частак Гомельскага гарнізона. Начальнік службы супрацьпажарнай абароны і аварыйна-выратавальных работ быў знойдзены ў лясным масіве без прыкмет жыцця.
Абставіны ў цяперашні час высвятляе камісія Мінабароны сумесна са Следчым камітэтам.
Міністэрства абароны выказвае спачуванні родным і блізкім афіцэра і акажа неабходную дапамогу сям'і вайскоўца.
mil.by