У мігрантаў, якія спрабуюць патрапіць у ЕС з Беларусі, выяўляюць расійскія візы

За мінулыя суткі ў Польшчу і Літву з боку Беларусі спрабавалі пракрасціся 77 мігрантаў.

У Польшчу спрабавалі трапіць 20 чалавек, у тым ліку грамадзяне Ганы, Ірака, Емена. Інцыдэнты адбыліся на ўчастках Ліпск, Мельнік, Белавежа, Дубічы-Царкоўна. У замежнікаў былі расійскія візы, якія яны атрымалі за апошнія 2-3 тыдні, паведамляе польская памежная служба.

Учора супрацоўнікі ўчастка Рутка-Тартак затрымалі жанчыну — грамадзянку Літвы, якая перавозіла трох мігрантаў з беларуска-літоўскай мяжы. Гэта былі двое грамадзян Афганістана і адзін — Таджыкістана. Сёлета ля польска-літоўскай мяжы затрымана амаль 450 мігрантаў (у 2021 годзе — 141) і 88 памагатых (у 2021 годзе — 53).

2 верасня на літоўска-беларускай мяжы былі затрыманыя 57 мігрантаў.

Паводле reform.by.