У Мінску ўлады вырашылі рэгуляваць цэны на труны

Мінскі гарвыканкам вызначыў цэны на рытуальныя паслугі.

Пастанову прынялі яшчэ 14 кастрычніка, але набыла моц яна пасля апублікавання 4 лістапада, піша «Свабода».

Максімальныя тарыфы на пахаванне цяпер такія:

• простая труна — 32 рублі 77 капеек,

• труна, абабітая тканінай — 51 рубель 22 капейкі,

• драўляны крыж — 21 рубель 68 капеек,

• перавозка цела — 1 рубель 32 капейкі за кіламетр і 33 рублі 66 капеек за гадзіну,

• пахаванне ў выкапанай далакопам магіле — 240 рублёў 63 капейкі ўзімку і 66 рублёў 30 капеек улетку,

• выкапаць магілу экскаватарам — 75 рублёў 64 капейкі ўзімку і 58 рублёў 34 капейкі ўлетку.

Таксама ўлады вызначылі гранічныя тарыфы на:

• пахаванне ці змяшчэнне ў калюмбарый урны з прахам,

• ручное і механізаванае апусканне труны ў магілу,

• выраб тумб і слупкоў,

• дастаўку рытуальных вырабаў.