У Мінску змяніліся ўмовы забеспячэння жыллём тых, хто мае патрэбу

Што трэба ведаць тым, хто стаіць на чарзе?

У канцы 2019 года кіраўнік Беларусі падпісаў два ўказы, якія датычацца умоў забеспячэння жыллём жыхароў Мінска, якія маюць патрэбу ў паляпшэнні жыллёвых умоў.
Першы ўказ быў падпісаны 17 снежня. Ён накіраваны на дадатковыя меры па забеспячэнню жыллём у Мінску шматдзетных сем'яў.
Зараз у сталіцы налічваецца больш за 5 тысяч шматдзетных сем'яў, якія маюць патрэбу ва ўласным жыллі. Пры гэтым кожны год гэтая лічба расце.
Гэты ўказ быў распрацаваны, каб максімальна задаволіць патрэбы дадзенай катэгорыі грамадзян.
У рамках рэалізацыі гэтага ўказа плануецца забудаваць жылымі дамамі зямельныя ўчасткі ў Чыжоўцы, Сокале, вёсцы Зацень і ў межах вуліц Байкальскай - Ангарскай.
Дамы ў гэтых раёнах будуць разлічаны ўсяго на 2-4 кватэры.
Па-другое, шматдзетным сем'ям, якія стаяць на ўліку для паляпшэння жыллёвых умоў у адміністрацыях раёнаў, будуць прапаноўваць для набыцця кватэры, гатовыя да засялення.
На дадзены момант у Мінску налічваецца каля 300 такіх кватэр. Раней яны былі перададзеныя ў камунальную ўласнасць горада.
Набыць такую ​​кватэру можна за кошт дзяржаўнай падтрымкі.
— Затым кватэра пераходзіць ва ўласнасць сям'і, аднак здзейсцніць яе адчужэнне нельга на працягу пяці гадоў пасля пагашэння ільготнага крэдыту (налічэння субсідыі), — распавяла агенцтву «Мінск-Навіны» начальнік упраўлення жыллёвай палітыкі Мінгарвыканкама Алена Лукашэвіч.
Акрамя таго, шматдзетным сем'ям прапануюць набыць жыллё ў шматкватэрных дамах, збудаваных прадпрыемствам «Мінскбуд».
У цяперашні час 92 кватэры гатовыя для продажу. Набыць такое жыллё можна за кошт дзяржаўнай падтрымкі ў выглядзе льготных крэдытаў або субсідый.
Яшчэ адна навіна ўказа — магчымасць накіроўваць шматдзетныя сем'і для будаўніцтва жылля палепшанай серыі — гэта маналітныя, цагляныя і каркасныя хаты.
Другі ўказ, які падпісаў прэзідэнт, датычыцца будаўніцтва жылля ў гарадах-спадарожніках.
Чакаецца, што для маючых патрэбу будуць будаваць шматкватэрныя дамы ў Смалявічах, Дзяржынску, Лагойску, Фаніпалі, Рудзенску і Заслаўі.
Улады спадзяюцца, што будаўніцтва жылля ў гарадах-спадарожніках паспрыяе скарачэнню чаргі ў сталіцы.
Пабудаваць кватэры пад Мінскам змогуць усе грамадзяне, якія стаяць на ўліку маючых патрэбу ў паляпшэнні жыллёвых умоў.
Паводле belnovosti.by