У Пінску затрымалі сына вядомай праваабаронцы. Зараз ён у ізалятары

Раніцай 7 жніўня ў Пінску затрыманы Кірыл Іваноў, затрыманне праводзіў участковы Яўген Атока. Кірыла абвінавацілі ў тым, што ён нібыта пісаў пагрозы ў «экстрэмісцкіх чатах», паведамляе «Вясна».

Раней хлопца затрымлівалі ў жніўні 2020. Тады ён атрымаў 10 сутак арышту.

Кірыл Іваноў — адзін з трох дзяцей вядомай праваабаронцы Веранікі Івановай. Яна дапамагала фігурантам «Пінскай справы».

У самой Веранікі адбыўся вобшук яшчэ ў лютым.