У Магілёве памёр журналіст Генадзь Суднік

Раніцай у суботу з Магілёва прыйшла жалобная навіна... У ноч з 23 на 24 пайшоў з жыцця ў выніку цяжкой анкалагічнай хваробы Генадзь Вітольдавіч Суднік.



Усяго некалькі дзён таму спадар Генадзь сустрэў свой 70-гадовы юбілей на бальнічным ложку. Ён вельмі мужна змагаўся з нядугам і да апошняга займаўся прафесійнымі справамі. 

Яшчэ ў пятніцу ён пакінуў каментар пад віншавальным матэрыялам на сайце БАЖ:

"Не маючы магчымасці гэтыя 2 дні падысці да кампутара, толькі сёння назапасіў сіл для напісання водгуку, а водгукі эмацыйныя, якімі вы ахуталі мяне гэтыя дні—яны папросту працягнуць маё жыццё (вось убачыце!), дададуць творчых сілаў, умацуюць у святой веры ў дружбу, сяброўства, згуртаванасць на добрай справе!.. Я люблю вас усіх, каго ведаю. Я люблю вас тых, з кім мне давядзецца пазнаёміцца, каму пашчасціць дапамагчы звычайным словам, хоць цяпер трэба будзе ставіцца як да мудрага слова.. Але мы так рабіць не будзем яшчэ... Так гэтак годзікаў праз 70... А што тут—рукой падаць, ды яшчэ з такімі калегамі і сябрамі. ДЗЯКУЙ!
HS"

Горка смуткуем разам са сваякамі і сябрамі спадара Генадзя. Вечная яму памяць... 

Паводле baj.by