У зняволеных будуць забіраць да 90% заробку
У зняволеных, якія адбываюць пакаранне ў выглядзе пазбаўлення волі або пажыццёвага зняволення, пры кампенсацыі імі нанесенай шкоды будуць адбіраць 90% заробку. Пра гэта гаворыцца ў пастанове міністэрства юстыцыі Беларусі № 159 ад 15 кастрычніка.
Пры спагнанні аліментаў і выдаткаў на дзяцей за абавязаным бацькам або маці захоўваецца не менш за 30% заробку. У выпадку, калі чалавек прызнаны вінаватым у здзяйсненні злачынства і абавязаны пакрыць шкоду, аднак прысуджаны да пакарання, не звязанага з пазбаўленнем волі, яму будуць пакідаць не менш за 30% заробку.
Раней, як паведамляе "Ежедневник", абмежаванні памеру ўтрыманняў з заробку і прыраўнаваных да яе даходаў не распаўсюджваліся толькі на спагнанне сродкаў па ўтрыманні дзяцей, калі за даўжніком захоўвалі не менш за 30% заробку.