Віктар Бабарыка правёў 10 сутак у штрафным ізалятары

Былы кандыдат у прэзідэнты Віктар Бабарыка правёў у штрафным ізалятары калоніі 10 сутак, з 1 па 11 мая. Пра гэта паведамляе прэс-служба штаба палітыка.

Палітвязню Віктару Бабарыку адмовілі ў сустрэчы з адвакатам 4 і 5 траўня, аднак усё ж дазволілі 10 траўня. 12 траўня ён прымаў удзел у выязным судзе, які адбыўся ў калоніі, па скарзе яго прадстаўніка-адваката на змяшчэнне ў ШІЗА. На той момант спагнанне ўжо было выканана.

«Рашэнне суда пакуль не вядома, але яно досыць прадказальнае», — сказана ў паведамленні штаба.

Віктар Бабарыка быў затрыманы 18 чэрвеня 2020 года. Былога топ-менеджара «Белгазпрамбанка» абвінавацілі па шэрагу эканамічных артыкулаў і прысудзілі да 14 гадоў турмы. Віктар Бабарыка — галоўны апанент Лукашэнкі падчас прэзідэнцкіх выбараў 2020 года.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: