Палітзняволенаму былому Міжнароднаму сакратару БСДП Уладзіміру Севярыну прысудзілі 1,5 гады калоніі

Такое рашэнне сёння, 14 траўня, вынес суд Ленінскага раёна Мінска, паведамляе тэлеграм-канал Беларускай сацыял-дэмакратычнай партыі «Грамада».

Уладзімір Севярын быў затрыманы 21 кастрычніка 2021 года і да сярэдзіны снежня ўтрымліваўся ў СІЗА КДБ у межах крымінальнай справы аб тэрарызме. Затым абвінавачанне перакваліфікавалі на арт. 342 Крымінальнага кодэксу — «Арганізацыя і актыўны ўдзел у групавых дзеяннях, груба парушаючых грамадскі парадак». Уладзіміра перавялі ў СІЗА-1.

Вядома, што дзяржабвінавачанне запрошвала для Севярына два гады калоніі.