За фота прапагандыста мінчука пакаралі 15 суткамі арышту

Мінчука арыштавалі на 15 сутак за фота прапагандыста, якое ён даслаў блогеру Антону Матольку, паведамляе «Вясна назірае».


У сярэдзіне траўня блогеру Антону Матольку чытач даслаў фотаздымак датычнага да канала «Жёлтые сливы» Аляксандра Бянько, які стаіць на касе ў краме. Блогер апублікаваў гэтае фота ў сваім тэлеграм-канале.

24 чэрвеня на адным з прапагандысцкіх тэлеграм-каналаў з'явілася інфармацыя, што аўтар гэтых здымкаў затрыманы. Пазней у гэтым жа канале паведамілі, што «злачынцу» клічуць Андрэй Антонаў.

Сёння стала вядома, што 28 чэрвеня над Антонавым у судзе Маскоўскага раёна Мінска прайшоў суд па справе за «дробнае хуліганства» (арт. 19.1 КаАП). У выніку за фотаздымак прапагандыста, дасланы Антону Матольку, 34-гадовага Андрэя Антонава пакаралі 15-сутачным арыштам.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: