За суткі ў Беларусі выявілі 1278 чалавек з COVID-19

У Беларусі за суткі выяўлена 1278 новых пацыентаў з каронавірусам. Усяго ж з пачатку пандэміі дыягназ COVID-19 быў пастаўлены 330 536 пацыентам.

Выпісаныя за дзень 1243 чалавекі. Агульная колькасць ачунялых дасягнула 320 844, піша REFORM.by.

За суткі памерлі яшчэ 10 пацыентаў з COVID-19. Агульная колькасць памерлых склала 2314 чалавек.

У краіне было зроблена амаль 5,48 млн. тэстаў, з іх 17 231 — за суткі, паведамляе Міністэрства аховы здароўя.