Затрыманы дырэктар адзінага ў Беларусі інклюзіўнага фітнэс-цэнтра

Такая інфармацыя вынікае са спісаў затрыманых за 25 жніўня.

25 жніўня ў тэлеграм-канале «Спісы затрыманых» з'явілася імя Аляксея Курт-Назарава. Гэта дырэктар адзінага ў Беларусі інклюзіўнага фітнэс-цэнтра «Экафітнэс». Па якой прычыне затрыманы Курт-Назараў, невядома.
Унікальны інклюзіўны фітнес-цэнтр «Экафітнэс» некалькі год працуе ў адным са спальных раёнаў Мінска. Асаблівасць цэнтра ў тым, што там кругавымі трэніроўкамі займаюцца разам з усімі наведвальнікамі і людзі з інваліднасцю. Яго заснавальнікі Крысціна Каграманян і Аляксей Курт-Назараў сумесна з беларускімі экспертамі займаліся распрацоўкай праграм трэніровак для людзей з рознымі формамі ДЦП, наведвальнікаў і наведвальніц са слабым слыхам і зрокам.