«Знішчэнне могілак нагадвала маштабную спецаперацыю». З зямлёй зраўнялі яшчэ адно пахаванне салдат АК

Могілкі ў Суркантах, дзе пахаваны жаўнеры Арміі Краёвай, цалкам знішчаныя.

У Беларусі знішчана яшчэ адно пахаванне салдат Арміі Краёвай — гэтым разам на Гродзеншчыне, у вёсцы Сурканты Воранаўскага раёна.

Пра тое, што сёння раніцай, 25 жніўня, былі знішчаны могілкі, паведаміў сайт Саюза палякаў. Гэта здарылася з самай раніцы.

Адзначаецца, што, паводле інфармацыі рэдакцыі, спусташэнне могілак нагадвае маштабную спецаперацыю. Дарогі да месца, дзе адбываецца варварства, былі перакрыты міліцыяй. А абураным дзікунствам мясцовым жыхарам сілавікі пагражаюць турмой.

Крыху пазней з’явіліся і фотаздымкі руйнавання могілак, якое называюць неймаверным для ХХІ стагоддзя.

Папярэдні слайдНаступны слайд