Зноў прыйшлі па журналістаў: затрымалі трох рэдактароў выдання «Аўтабізнес»

Учора ў інстаграме аўтамабільнага сайта ABW.by з'явілася дзіўная публікацыя. Сёння «НН» стала вядома, што затрымалі трох рэдактароў.

Учора ў інстаграме выдання «Аўтабізнэс» з’явілася дзіўная публікацыя. У ёй выданне абвінавачваюць, што яны «творили дичь и нагнетали ситуацию в стране», а таксама пагражаюць тым, што ўсё толькі пачынаецца. Былі выстаўлены скрыны перапіскі ў працоўным чаце.

Публікацыю праз некаторы час выдалілі.

Наколькі вядома, затрыманы галоўны рэдактара сайта Юлія Мудрэўская, рэдактар рэкламных праектаў Юрый Гладчук і выпускаючы рэдактар Вадзім Зянькевіч.

Сваякі галоўнага рэдактара адмовіліся каментаваць, у рамках адміністрацыйнай ці крымінальнай справы было затрыманне.