Беларускі Альфа-Банк зняў фільм пра смелых беларусаў
Альфа-Банк (Беларусь) зняў фільм пра шэсць беларусаў, якія, нягледзячы на цяжкасці і перашкоды, рэалізавалі свае мары. Банк прапануе браць з іх прыклад і станавіцца смялейшымі.
Абноўленая філасофія закране працу банка і ўзаемадзеянне з кліентамі. Але Альфа-Банк плануе пайсці яшчэ далей і ўсяляк прасоўваць вобраз «беларус са смелымі марамі». Для гэтага ўжо зняты кароткі фільм пра «герояў нашага часу», якія здолелі крута змяніць сваё жыццё. Ролік ужо даступны карыстальнікам інтэрнэту і з'явіўся ў ратацыі тэлеканалаў.
«Змены закрануць не толькі банк. Мы разлічваем, што нашы намаганні дапамогуць зрабіць беларусаў смялейшымі, больш упэўненымі і больш настойлівымі. У Беларусі дастаткова асоб, якія не сталі плыць па плыні, а ўвасобілі свае смелыя ідэі, нягледзячы на складанасці — растлумачыў кіруючы дырэктар Альфа-Банка (Беларусь) Рафал Юшчак. — У той жа час вакол нас шмат тых, хто хоча нешта змяніць, але не можа вырашыцца: людзі пераконваюць сябе, што яны занадта малыя, нерашучыя, бедныя ці старыя. Мы бачым сваёй місіяй дапамагчы ім ажыццявіць свае мары».
У фільме сабраны гісторыі шасці беларусы, якія перакрочылі праз свае страхі. Сярод іх — мадэль Андрэй Віхраў, які перамог прадузятасць і рызыкнуў ва ўзросце 50 гадоў выйсці на подыум. Змагаецца са стэрэатыпамі і 9-гадовая Вера Шпакоўская, якая ўжо выконвае дарослыя балетныя партыі. А Аляксандр Макарчук, нягледзячы на параліч рук і ног, здолеў стварыць кар'еру ў IT-індустрыі, кіруючы кампутарам адным толькі голасам.
Некалькі герояў звязаныя са спортам і вандроўкамі. Так, Рома Свечнікаў здзейсніў кругасветку практычна з пустымі кішэнямі, паказаўшы, што для гэтага не трэба быць багатым. У гэты час Вольга Прашковіч, пачала гуляць у рэгбі і нават арганізавала жаночую каманду. А Віталь Гуркоў 12 разоў заваёўваў тытул чэмпіёна свету па тайскім боксе.
Абноўленая філасофія закране ўсю камунікацыю Альфа-Банка. Банк таксама збіраецца быць смялейшым ў сваіх прапановах і гатовы падтрымаць таленавітых людзей з прарыўнымі ідэямі.
Паводле прэс-рэліза