Дзень вышыванкі (фотарэпартаж)
5 кастрычніка ў Мінску прайшоў фэст “Дзень вышыванкі”, які ладзіўся ў межах кампаніі «Зробім лепш». Наведвальнікі маглі пабачыць беларускае нацыянальнае адзенне, сувеніры, упрыгожванні з нацыянальным каларытам.
Ужо ў першыя тры гадзіны фэст наведала некалькі тысяч чалавек.
З большага фэст нагадваў вялікую ярмарку з нацыянальным адценнем.
Тут можна было набыць сувеніры, нацыянальнае адзенне, аксэсуары для тэлефонаў, кераміку і шмат іншага.
На “Дзень вышыванкі” прыехалі майстры з розных куткоў Беларусі.
Акрамя продажу майстры ахвотна дзяліліся адзін з адным сакрэтамі майстэрства і рознымі відамі беларускага арнаменту.
Асноўная частка наведнікаў — моладзь. Таксама на фэст завітала шмат сямей з дзеткамі, якія з радасцю прымяралі на сябе нацыянальнае адзенне і набывалі сувеніры.
Матэрыялы па тэме: