Дзяніс Марціновіч: З такімі заробкамі складана казаць пра сур'ёзнае развіццё культуры

Тэатральны крытык, журналіст Дзяніс Марціновіч разважае пра сітуацыю, што сёння склалася ў беларускім тэатры.

"Беларуская культура, беларускі тэатр у прыватнасці, вярнуліся да стану 2000-х гадоў, калі існавалі дзяржаўныя тэатры і нейкія антрэпрызы. За 10 гадоў узнікла сістэма альтэрнатыўных тэатраў, якая зараз практычна знікла", — піша by_culture.

Таксама крытык звяртае ўвагу на фінансаванне культуры ў Беларусі: паводле газеты "Культура", у 2006 годзе заробак у сферы культуры складаў 80 % ад сярэдняга па краіне, у 2020 — 50 %.

"Насамрэч пасля такіх лічбаў цяжка нешта аналізаваць, з такімі заробкамі складана казаць пра сур'ёзнае развіццё культуры", — заключае Дзяніс Марціновіч у каментары для Deutsche Welle.