«Эпоха вікінгаў» — праект «Легендарныя эпохі» запрашае ў Дудуткі

Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выходныя на тэрыторыі музейнага комплекса "Дудуткі" будзе праходзіць інтэрактыўная праграма, якая адлюстроўвае пэўны гістарычны перыяд або падзеі.

foto_4.jpg


21 лістапада праграма будзе прысвечана эпохе вікінгаў на тэрыторыі Беларусі (ІХ-ХІ стст)!
Дзесяць стагоддзяў таму па землях сучаснай Беларусі праходзіў легендарны гандлёвы шлях "З вараг у грэкі", які злучаў Балтыйскае мора і Візантыйскія землі. На шляху ваенных і гандлёвых караванаў скандынаваў паўсталі першыя буйныя гарады — Полацк і Віцебск. А разам з таварамі, якiя перавозілі кноры і драккары па беларускіх рэках, на нашы землі прыйшла і культура паўночных народаў.

У гарадах, размешчаных уздоўж шляху, актыўна развіваўся гандаль і рамёствы. Але гісторыя шляху "З вараг у грэкі" — гэта яшчэ і гісторыя суперніцтва паміж Кіевам і Ноўгарадам, гісторыя шматлікіх ваенных канфліктаў за права гэты шлях кантраляваць...
У праграме мерапрыемства:    • відовішчныя паядынкі на халоднай і дрэўкавай зброі    • дэманстрацыя тактыкі бою IX стагоддзя, "Круг Локі", "Круг Одзіна"    • шоу скандынаўскіх музыкаў    • гульні вікінгаў    • інтэрактыўныя блокі    • лучны, арбалетны цірі шмат іншага!
Праграмы ў межах праекта «Легендарныя эпохі» проходзяць кожную суботу з 12.00 да 17.00.

afisza__2__2.jpg


***
Фармат праекта «Легендарныя эпохі» аб'ядноўвае некалькі разнапланавых мерапрыемстваў у межах агульнай канцэпцыі:
    • Паказальныя выступы рэканструктараў    • Пастановачныя паядынкі, дэманстрацыя тактыкі і тэхнікі бою розных гістарычных перыядаў    • Выступы музычных калектываў з праграмай канкрэтнага гістарычнага перыяду    • Удзел рамеснікаў, майстар-класы па традыцыйных рамёствах    • Інтэрактыўныя блокі з наведвальнікамі мерапрыемства    • Адкрытыя лекцыі з удзелам гісторыкаў, этнографаў
Расклад гістарычных праграм у межах праекта «Легендарныя эпохі» на лістапад:
21.11.20 — Эпоха вікінгаў. (IX-XI ст.)28.11.20 — Сярэднявечча. Рыцарскі турнір (XIII-XVст.)
Больш інфармацыя на dudutki.by.