«Фларыстычная містэрыя» ў Гасцёўні Уладзіслава Галубка

26 лістапада ў Гасцёўні Уладзіслава Галубка пачынае працу выстава «Фларыстычная містэрыя», якая прыадчыніць дзверы ў свет унікальнага віду мастацтва Асібана або Pressed Flower Art.

26 лістапада ў Гасцёўні Уладзіслава Галубка пачынае працу выстава «Фларыстычная містэрыя», якая прыадчыніць дзверы ў свет унікальнага віду мастацтва Асібана або Pressed Flower Art.

На выставе прадстаўлены дзіўныя карціны ў стылі фларыстычнага калажа з прыватнай калекцыі Лізаветы Канстанцінавай. Жывыя расліны — кветкі, лісце, пялёсткі і галінкі, якія захавалі сваю унікальную прыродную прыгажосць, у абрамленні сюжэтнымі малюнкамі ажываюць на вачах.

Тэхніка, у якой працуе аўтар, вядомая як пласкасная або прэсаваная фларыстыка, — таксама «жывапіс раслінамі». У Японіі гэты від мастацтва называецца Асібана і ўваходзіць у абавязковую праграму навучання воінаў-самураяў. Дапамагаючы развіваць настойлівасць, канцэнтрацыю, назіральнасць, цярплівасць і іншыя неабходныя якасці, Асібана у самураяў з'яўляецца часткай шляху воіна, нароўні з навучаннем валоданнем мячом і напісаннем іерогліфаў.

У 19 стагоддзі ў віктарыянскай Англіі засушаныя кветкі (прэсаваныя) увайшлі ў моду. У гасціных віселі мастацкія гербарыі ў авальных рамках. З Англіі мода прыйшла ў Еўропу. У 1999 годзе была створана міжнародная арганізацыя — International Pressed Flower Art Society.

Лізавета Канстанцінава — аўтар дзіўных работ, якія даюць новае жыццё раслінам. Карціны аўтара шмат разоў прымалі ўдзел у выставах дэкаратыўнага мастацтва ў Беларусі, Расіі, ЗША. На працягу вось ужо больш за 10 гадоў праходзяць персанальныя выставы, а яе працы можна сустрэць у прыватных калекцыях розных краін свету, такіх як Англія, Літва, Калумбія, Расія, Італія, Перу, Германія. Педагог па адукацыі, скончыла мастацка-графічны факультэт Віцебскага Педагагічнага Універсітэта, выкладала выяўленчае мастацтва і чарчэнне, а таксама сусветную мастацкую культуру.

Паводле прэс-рэлізу



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: