ХІІІ Злёт вікінгаў, славян і балтаў у Дарагічыне (фота)
Старажытныя ваяры, рамеснікі і вешчуны з’ехаліся ў выходныя ў Драгічын, што на Падляшшы. Тут трынаццаты раз прайшоў Злёт вікінгаў, славян і балтаў.
Свае майстэрства прэзентавалі рэканструкцыйныя групы, кавалі, збройнікі ды ганчары.
Фестываль упісваецца ў гістарычнае месца, якім ёсць горад Драгічын, і ўсё больш людзей кожны год прыбывае пабачыць аматараў гісторыі.
Арганізатар Андрэй Глэмбіцкі распавёў:
— Фантастычнае месца, людзям вельмі падабаецца, таму гэты фестываль надалей тут робім. Але стараемся, каб кожны наступны фестываль быў зроблены нанова. Каб людзі, якія ведалі, як гэта калісьці было ці магло б быць, маглі параўнаць з тым, што ёсць. Успрымаем гэта як добрую забаву, а таксама стараемся пашырыць чалавечую свядомасць.
У час Злёту ваяроў, славян, вікінгаў і балтаў адбылася інсцэніроўка бітвы-наезду палянаў на Дарагічын. Рэканструктары з розных груп вялі таксама спаборніцтвы ў конкурсе на лепшага ваяра.
