Intelligency выпусцілі новы кліп на песню «Беларуская малiтва»

Аўтары нашумелага хіта «August» — гурт «Intelligency» — выпусцілі новы кліп на песню «Беларуская малiтва».
Дзеянне адбываецца ноччу ў велізарнай сюрэалістычна дэкарацыі, пабудаванай на закінутым заводзе. Ідэя кліпа натхнёная беларускім лялечным тэатрам — батлейкай.

Аўтары відэа, рэжысёры прадакшну «DVAcinema» Маша Манакова і Дзмітрый Ляўкоўскі распавядаюць:

— Мы пераасэнсавалі ідэю традыцыйнай батлейкі. Уяўленні людзей аб уладкаванні свету ўскладніліся, таму і наша батлейка выглядае па-новаму. У якасці карцін раю мы выкарыстоўвалі працы сучаснай беларускай мастачкі Насці Рыдлеўскай, а касцюмы і аксэсуары для галоўных герояў далі актуальныя беларускія дызайнеры.

— На працягу ўсяго праекта нас пераследавалі дзіўныя супадзенні і знакі, а самі здымкі праходзілі ў самую кароткую ноч у годзе. У выніку атрымалася страшная казка пра сучасную беларускую рэальнасць, напоўненая метафарамі і сімваламі. У кліпе з'яўляецца і сама група ў вобразе сучасных «брэменскіх музыкаў», якія распавядаюць нам гэтую казку.

— Заўсёды хацелася напісаць нетыповую для сябе кампазіцыю, ды яшчэ і на беларускай мове. Спадзяёмся, слухачу спадабаецца такі крыху асобны ад нашай творчасці беларускі вайб. Хочацца верыць, што гэта будзе адзін з самых гучных, яркіх і цікавых рэлізаў ў электроннай музыцы на беларускай мове за апошнія гады, — кажуць удзельнікі «Intelligency».

У нашым раю жыць весела,
Але ўжо i некаму.
Я не знаў. Я не знаў.
I я ўжо адноўлены,
Цi мне ўжо адмоўлена,
Я не знаў. Я не знаў.
Цела твае можна забiць,
Але iдэю не спынiць.
Я ўсё знаў, гэта знаў.
Нават калi я стомлены,
Веру, што мы пакiнулi,
Я не знаў, я не знаў.
Я не знаў пустаты
Доўгi свет тваёй вясны
Я не знаў тваёй вясны, вясны.

Я не знаў, хто такi.
Я сляпы i я глухi.
Я сляпы, цi проста гэта сны. Сны.
Сонейка, ты ясна сонейка,
Спусцiся з неба i
I нямiнуча дай
Ты дай iм барацьбы.
Сонейка, ты ў небе, але ты
Спусцiся з нябёс i
I адным позiркам
Ты ганi, ганi iх.

Паводле прэс-рэліза

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: