«Іржавая дзяржава». Лявон Вольскі прадставіў новую песню!

На  youtube-канале кампаніі Годна выкладзены новы трэк Лявона Вольскага "Іржавая дзяржава".

Сам Лявон Вольскі кажа: «Шмат людзей апошнім часам прасілі мяне выказацца з нагоды падзеяў, што адбываюцца вакол нас, і я вырашыў выказацца такім чынам. А рэалізаваць выказванне мне дапамагалі мае адданыя сябры і паплечнікі».
У стварэнні трэка таксама ўдзельнічалі Павел Мамонаў — бубны, Павел Трыпуць — гітара, Міхал Марынічаў — бас.
Песня запісана на студыі Everest (2020), міксінг і майстарынг выканаў Павел Сініла.