«J:Mopc»: 10 тысяч над зямлёй

Гурт «J:Mopc» па­ра­да­ваў ста­рых і но­вых пры­хіль­ні­каў ін­тэр­нэт-прэм’­е­рай: у се­ці­ве з’я­ві­ла­ся ві­дэа­вер­сія ад­на­го з са­мых не­звы­чай­ных му­зыч­ных пра­ек­таў мі­ну­ла­га го­да — кан­цэр­та, які ад­быў­ся ў ліс­та­па­дзе на вы­шы­ні 10 ты­сяч мет­раў пад­час авія­рэй­са «Бел­авія» Мінск — Амстэр­дам.



Гэ­тай ак­цы­яй, як і паз­ней­шым «ста­цы­я­нар­ным» кан­цэр­там у ста­лі­цы, гурт ад­зна­чыў улас­нае 15-год­дзе. Га­лоў­ная скла­да­насць бы­ла тэх­ніч­ная — на бор­це па­вет­ра­на­га суд­на да­во­лі аб­ме­жа­ва­ная пра­сто­ра і нель­га пад­клю­чаць знеш­нія пры­ла­ды, та­му да­вя­ло­ся па­кла­па­ціц­ца пра гу­ка­вое аб­ста­ля­ван­не з аў­та­ном­ны­мі эле­мен­та­мі сіл­ка­ван­ня… Ця­пер жа на гэ­ты рэйс змо­гуць тра­піць усе ах­вот­ныя — праў­да, вы­ключ­на вір­ту­аль­на.

Да­рэ­чы, ся­род бе­ла­рус­кіх ар­тыс­таў «J:Mopc» ста­лі пер­шы­мі, хто здзейс­ніў па­доб­нае па­вет­ра­нае вы­ступ­лен­не. А вось у су­свет­най му­зы­цы гэ­та ўжо не на­ві­на: бры­тан­скі поп-гурт Jamіroquaі зла­дзіў раз­ві­таль­ны кан­цэрт на бор­це са­ма­лё­та ў 2007 го­дзе, з якім і тра­піў у Кні­гу рэ­кор­даў Гі­нэ­са, уста­ля­ваў­шы ад­ра­зу не­каль­кі рэ­кор­даў. Зрэш­ты, у 2010 го­дзе рэ­корд вы­шы­ні і ма­са­вас­ці па­біў спя­вак Джэймс Блант, які вы­сту­піў на вы­шы­ні ў 13 ты­сяч мет­раў, а сам кан­цэрт дзя­ку­ю­чы пра­мой транс­ля­цыі ў ра­дыё­эфі­ры пра­слу­ха­лі дзя­сят­кі ты­сяч ча­ла­век.

Вік­то­рыя Целяшук, zviazda.by