Прэзентаваны праект, які акумулюе творы 50 беларускіх мастакоў пад музыку беларускіх кампазітараў (відэа)

Творчы праект падрыхтавала Беларуская Асветніцкая Ліга Амерыкі. У ім акумуляваныя творы 50 беларускіх мастакоў у суправаджэнні музыкі беларускіх кампазітараў. Гэта, падкрэсліваюць аўтары, не падрабязная энцыклапедыя, а кароткі агляд разнастайных узораў беларускага мастацтва за апошнія два стагоддзі ў выглядзе слайд-шоў.

Навошта гэта патрэбна? — гучыць пытанне ў прэс-рэлізе. Па-першае, адказваюць аўтары, каб людзі маглі пашырыць свае веды пра беларускае мастацтва; па-другое, каб было, што паказаць знаёмым замежным сябрам, якія хочуць трохі больш даведацца пра нашу радзіму; па-трэцяе, каб юнакі маглі ў школе, каледжы або ўніверсітэце выкарыстаць гэтую прэзентацыю ў якасці ілюстрацыйнага матэрыяла падчас расповеду пра Беларусь.