Спіс прэтэндэнтаў на прэмію Гедройца павялічыўся на восем кніг

Культура

Прыём заявак на Літаратурную прэмію імя Ежы Гедройца за найлепшую кнігу прозы, якая выйшла ў 2012 годзе на беларускай мове, скончаны. За апошні месяц у спіс дадаліся некалькі кніг.



giedroyc_award_mini.png

Спіс прэтэндэнтаў на прэмію Гедройца павялічыўся на восем кніг

  1. Сяргей Балахонаў "Зямля пад крыламі Фенікса (Нарысы з паралельнай гісторыі Беларусі)" (Мінск: Логвінаў, серыя “Галерэя Б);

 

  1. Алесь Бычкоўскі "Анамалія" (Мінск: Галіяфы, серыя "Калекцыя беларускай фантастыкі");

 

  1. Валянціна Доўнар "Каб сказаць... і пачулі" (Мінск: Харвест);

 

  1. Севярын Квяткоўскі "Падарунак для Адэлі" (Мінск: Логвінаў);

 

  1. Уладзімір Некляеў "Аўтамат з газіроўкай з сіропам і без (Менскі раман)" (Мінск: Паперус);

 

  1. Алесь Пашкевіч " Сімъ Побѣдиши " (Мінск: Кнігазбор);

 

  1. Людміла Рублеўская "Авантуры Пранціша Вырвіча, шкаляра і шпега" (Мінск: Рэдакцыя газеты "Звязда");

 

  1. Мікола Сянкевіч "Незваротны шлях" (Брэст: Альтернатива).

Месяц таму спіс прэтэндэнтаў выглядаў наступным чынам.

Лонг-ліст прэміі будзе абвешчаны ў першай палове студзеня 2013 года. У яго трапяць 12 кніг.

Прэмія імя Ежы Гедройца ўручаецца ў другі раз. Першым яе лаўрэатам стаў Павал Касцюкевіч са зборнікам апавяданняў “Зборная РБ па негалоўных відах спорту. Ён атрымаў 105 мільёнаў беларускіх рублёў.

Падрабязней пра мэты і ўмовы прэміі ― у афіцыйным блогу Прэміі Гедройца http://bellitaward.blogspot.com/2012/10/blog-post.html .