Ці сапраўды Багдановіч круціў курортныя раманы? Чаму дзеці не хацелі гуляць з маленькім Максімам? Як Багдановіч звязаны з Радзівіламі? Ці мае працяг верш «Усе мы разам ляцім да зор» і ў чым таямніцы «Слуцкіх ткачых» і «Пагоні»? Пра ўсё гэта распавядзе Міхал Бараноўскі ў новым цыкле лекцый на Wir.by.
Тэма першай лекцыі — «Як Багдановіч стаў беларускім паэтам?»
Якія пытанні былі да паэта ў рэдактараў «Нашай Нівы»? Якім словам навучылі Максіма вясковыя дзеці? Хто з бацькоў Багдановіча казаў: «Вот только жаль, что дети стали говорить на белорусском»? Як так сталася, што чалавек, які амаль усё жыццё пражыў у Расіі, стаў геніяльным беларускім паэтам? Гэта сапраўды загадка, якую давядзецца разгадваць усім пакаленням беларусаў, што будуць звяртацца да паэзіі Максіма.
Расклад лекцый з цыкла «Што мы не ведалі пра Максіма Багдановіча» на wir.by:
25.05 Частка 1. Як Багдановіч стаў беларускім паэтам?
26.05 Частка 2. Багдановіч — першы гарадскі паэт?
27.05 Частка 3. «Слуцкія ткачыхі», «Пагоня» і зорнае неба над намі — таямніцы галоўных вершаў Багдановіча.
28.05 Частка 4. Каханыя дзяўчыны і курортныя раманы Багдановіча.
29.05 Частка 5. Зборнік «Вянок», Вацлаў Ластоўкі і Магдалена Радзівіл.
30.05 Частка 6. Як Багдановіч махляваў у гульнях.
31.05 Частка 7. Палітычныя погляды Багдановіча.
