У Беларусі паставілі першы помнік Касцюшку

У Беларусі з’явіўся першы помнік Тадэвушу Касцюшку. Здымак помніка апублікаваў у сваім фэйсбуку грамадскі актывіст Глеб Лабадзенка. Менавіта ён у кастрычніку мінулага года абвясціў збор сродкаў на помнік ва ўрочышчы Мерачоўшчына.

kasciushka_1.jpg

Урачыстае адкрыццё запланаванае на 12-га траўня.
У Мерачоўшчыну Івацэвіцкага раёна арганізуецца аўтобусны тур. Маршрут падарожжа наступны: Менск — Мерачоўшчына — сядзіба-музей Касцюшкі — Косаўскі палац — Ружанскі палац — маёнтак Падароск, дзе ствараецца музей беларускай шляхты. Праект падтрымалі 685 чалавек, якія сабралі больш за 22 тысячы беларускіх рублёў. Імёны ўсіх ахвярадаўцаў будуць пазначаныя на адмысловай шыльдзе каля помніка.

kasciushka_2.jpg

Фота Глеба Лабадзенкі
Паводле Радыё Рацыя