У фамільнай сядзібе Рэйтанаў пад Баранавічамі знойдзеныя ўнікальныя артэфакты

Археалагічныя даследаванні праводзіліся ў вёсцы Грушаўка Ляхавіцкага раёна. Тут размешчана сядзіба Тадэвуша Рэйтана (вядомага двараніна Рэчы Паспалітай), дзе былі арганізаваны рэстаўрацыйныя работы ў рамках праекта ROCCO.



 У выніку атрымалася выявіць новыя, раней невядомыя артэфакты — фрагменты каменных падмуркаў на вапнавым растворы пад рэшткамі збудаванняў выносны тэрасы, паведамляе 1reg.by.

Знаходкі былі атаясамлены з каменна-цагляным домам Рэйтанаў XXVIII стагоддзя, які існаваў да будаўніцтва драўлянага збудавання. Верагодна, гэта рэшткі Паўночнага рызаліту, які не ўвайшоў у аб'ём новага дома і цалкам "паглынуў" папярэдняе збудаванне.

Акрамя таго, на тэрыторыі, якая непасрэдна прымыкае да паўднёвага і паўночнага фасадаў сядзібы, выяўленыя артэфакты, якія адлюстроўваюць асаблівасці жыцця насельнікаў сядзібы на працягу XVII-XX стагоддзяў.

Фота: 1reg.by

Фота: 1reg.by



Усяго археолагамі было выяўлена каля 200 археалагічных артэфактаў, і найбольш значнымі з іх з'яўляюцца:

манетны матэрыял XVII-XVIII стагоддзяў;
прадметы побыту, фрагменты ўнутранага інтэр'еру (ручкі вокнаў і дзвярэй, замочныя накладкі, фрагменты чыгуннага ліцця, печкавыя паліўныя кафлі);
фрагменты перыядычнага друку канца XIX-першай паловы XX стагоддзяў;
асабістая перапіска, фрагменты ўпаковак прамысловых тавараў, фрагменты фотаматэрыялаў.

Цяпер праводзіцца навуковая апрацоўка сабранага археалагічнага матэрыялу.

Фота: 1reg.by

Фота: 1reg.by



Тадэвуш Рэйтан нарадзіўся ў 1742 годзе. Ён быўвялікім патрыётам Рэчы Паспалітай, якія спрабавалі спыніць першы раздзел краіны (1772 год) трыма яе суседзямі – Расійскай імперыяй, Прусіяй і Аўстрыяй. Сядзіба ў Грушаўцы, дзе нарадзіўся і памёр Тадэвуш Рэйтан, захавалася да сённяшняга дня.

Яе рэканструкцыя праходзіць у рамках трансгранічнага праекта ROCCO, які мае «люстраны» характар. Праект прадугледжвае рэканструкцыю дзвюх сямейных сядзіб XIX стагоддзя ў Польшчы і Беларусі, якія стануць даступнымі для турыстаў з абедзвюх краін.

Фота: 1reg.by

Фота: 1reg.by



У Польшчы па гэтым праекце аднаўляюць сядзібу Лахертаў у Цэханках (гміна Пухачув у Люблінскім ваяводстве).

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: