У Мінску адкрываецца фестываль еўрапейскага кіно

З нагоды Дня Еўропы ў пятніцу 10 мая ў мінскім кінатэатры "Победа" адкрываецца фестываль еўрапейскага кіно. Фестываль арганізаваны Прадстаўніцтвам Еўрапейскага Саюза ў Беларусі і амбасадамі краін ЕС.



Кінатэатр "Победа"

Праграма ўключае чатырнаццаць фільмаў. Уваход на ўсе паказы вольны. Квіткі можна атрымаць у касе кінатэатра ў дзень паказу за гадзіну да яго пачатку.

Прадстаўніцтва Еўрапейскага Саюза ў Беларусі дзякуе ўсім амбасадам, якія прымаюць удзел у арганізацыі сёлетняга фестываля, а таксама Міністэрству культуры Рэспублікі Беларусь, адміністрацыі кінатэатра "Победа" і парталу TUT.BY за сталую падтрымку і супрацоўніцтва.

Расклад паказаў:

Пятніца 10 мая         

18:30   Лапландская адысея (Napapiirin sankarit); Фінляндыя, Швецыя, Ісландыя (01:36)

21:00   Баторы (Báthory); Славакія (02:21)

Субота 11 мая          

16:30   Кукі вяртаецца (анімацыйны) (Kuky se vrací); Чэхія (01:35)

18:30   Скрадзеныя (Stolen); Вялікабрытанія (01:30)

21:00   Нявіннасць (Nevinnost); Чэхія (01:38)

Нядзеля 12 мая

18:30   Вежа матылёў, якія спяць (Miegančių drugelių tvirtovė); Літва (02:00)

21:00   Ровар майго бацькі (Mój rower); Польшча (01:30)

Панядзелак 13 мая

18:30   Пакаленне 1000 еўра (Generazione mille euro); Італія (01:41)

21:00   Рукі ў паветры (Les mains en l'air); Францыя (01:30)

Аўторак 14 мая

18:30   Філантропія (Filantropica); Румынія (01:50)

21:00   Вяселле ў Бесарабіі (Nunta in Basarabia); Румынія, Р. Малдова, Люксембург (01:32)

Серада 15 мая

18:30   Да прыгожага (Till det som är vackert); Швецыя (01:37)

21:00   Ліла, Ліла (Lila, Lila); Германія, Швейцарыя (01:44)

Чацвер 16 мая             

18:30   У тумане; Беларусь, Германія, Латвія, Расія, Нідерланды (02:07)

Тэлефон для даведак:  +375 (17) 2037766 (кінатэатр "Победа")

Падрыхтаваныя да фестываля брашура і флаер змяшчаюць анатацыі фільмаў і больш падрабязную інфармацыю пра паказы. 

У межах фестываля ў фае кінатэатра "Победа" будзе працаваць фотавыстава "Жыццё валанцёра".

Выстава "Жыццё валанцёра" (My EVS life) — праект Паўла Данека. Павел прыехаў з Чэхіі і працуе ў Мінску ў якасці валанцёра Еўрапейскай валанцёрскай службы ў беларускім моладзевым аб'яднанні "Новыя твары".

Фотаздымкі, якія Вы ўбачыце, зрабілі валанцёры з розных краін і даслалі па просьбе Паўла спецыяльна для гэтай выставы.