Вінілы «Мроі» і «Песняроў» на выставе ў Мінску

Выстава вінілавых рок-альбомаў адчынілася ў Нацыянальным Цэнтры Сучасных Мастацтваў у Мінску.

Выстава складаецца з арыгінальных вокладак культавых сусветных, савецкіх і беларускіх (!!!) рок-альбомаў: «Кино», «БГ», «Rolling stones», «Мроя», «Песняры» і іншыя.
Акрамя таго, гэтую выставу можна не толькі паглядзець, але і паслухаць з дапамогай алдскульнага прайгравальніка.

Экспазіцыя працуе толькі да 25 лістапада!
"Дзякуем Артуру Хадасевічу за прадстаўленую калекцыю.
Мы ўпэўненыя, што ў кожным сэрцы знойдзецца месца для адвязнага рок-н-ролу. А яшчэ мы перакананыя, што рок-н-рол – гэта не проста музыка, гэта лад мыслення і стыль жыцця. Таму нагадваем, што напрацягу лістапада нашых наведвальникаў чакаке шырокая праграма, у якой мы пастараліся разгледзець несмяротны рок-н-рол з усіх магчымых бакоў: лекцыі, кінапаказы, арыгінальная выстава па рок-н-рольнай тэматыцы", — адзначаюць арганізатары выставы.

Калі ў вашым плэйлісце безнадзейна пераважае цяжкая музыка, калі вы лічыце, што ў жыцці заўсёды павінна заставацца месца для свабоды, а назвы «Nevermind», «The Dark Side of the Moon» і «Highway To Hell» для вас не пусты гук, а цэлая эпоха — прыходзьце падзяліцца любоўю да рок-н-ролу.
Праграма:
з 10 па 25 лістапада – выстава вокладак алдксульных пласцінак. Падчас работы экспазіцыі можна будзе паслухаць і самі пласцінкі.22 лістапада, 19.00 – кінапаказ ад дыскусійнага клуба “Blow up”: фільм “Як ствараліся рок-альбомы. Pink Floyd. The Dark Side Of The Moon”.24 лістапада, 19.00 – лекцыя ад Лявона Казакова “Мастацтва glam, heavy, power metal. Сусветны і беларускі досвед”.29 лістапада, 19.00 – кінапаказ ад дыскусійнага клуба “Blow up”: фільм “Як ствараліся рок-альбомы. Queen. A Night At The Opera”.
Выстава будзе працаваць у Нацыянальным Цэнтры Сучасных Мастацтваў (г. Мінск, вул. Някрасава, 3). Уваход на выставу і кінапаказы па квітках, якія можна набыць у касе НЦСМ.
Паводле budzma.by