Выстава World Press Photo ў Мінску

У Мінску адкрылася для наведвання міжнародная выстава «World Press Photo 2018», на якой прадстаўлены лепшыя фатаграфіі свету. На экспазіцыі можна ўбачыць здымкі ў намінацыях «Спорт», «Прырода», «Людзі», «Экалогія», «Агульныя навіны» і інш. У гэтым годзе адбылася асобная намінацыя «Працяглыя праекты».

Выстава прыязджае ў Мінск толькі пяты год, а сёлета сусветна вядомы праект ўпершыню ў Беларусі быў прадстаўлены ў Горадні.


Фотаконкурс аб’яднаў 125 краін, фатографы якіх такім чынам уздымалі нейкія праблемы, якія «маюць значэнне». Такія праекты дапамагаюць зразумець не толькі іншыя краіны і перажыць іх праблемы, але і сябе.

Папярэдні слайдНаступны слайд

Тытул «Сусветнае прэс-фота-2018» атрымала праца венесуальскага фатографа Ранальда Шэміта. Ён зрабіў здымак ахопленага агнём пратэстоўца падчас антыўрадавых выступаў у Каракасе 3 мая 2017 года.
Выстава ў Мінску будзе адкрытая для наведвання з 23 мая да 12 чэрвеня ў прасторы кульцэнтру КОРПУС.
Фота аўтаркі