Заўтра мусіў пачацца кінафестываль «Лістапад». Але сёння яго адмянілі

Зрэшты, пакуль на сайце фестывалю пра яго адмену нічога не сказана.



6–13 лістапада мусіў адбыцца XXVII Мінскі міжнародны кінафестываль "Лістапад".

Пра тое, што кінафестываль адменены, паведаміла Міністэрства культуры ў сваім тэлеграм-канале сёння, 5 лістапада. Прычына банальная — неспрыяльная эпідэміялагічная сітуацыя ў Рэспубліцы Беларусь.

Аргкамітэт фестывалю "Лістапад" прыняў рашэнне пра яго адмену ў 2020 годзе. Пры гэтым адмяняюцца “ўсе мерапрыемствы XXVII Мінскага міжнароднага кінафестывалю "Лістапад". Сродкі за набытыя квіткі будуць вернутыя. Механізм вяртання будзе растлумачаны ў бліжэйшы час”, — паведамляе Міністэрства культуры.