Журы прэміі «Дэбют» абвясціла поўны спіс намінантаў

Журы прэміі «Дэбют» імя Максіма Багдановіча агучыла спіс усіх прэтэндэнтаў на прэмію.

Апрача кніг за 2017 год, у спіс трапілі два выданні 2016 года, якія не ўдзельнічалі ў конкурсе ў папярэднім годзе, паведамляе pen-centre.by.

Проза

Іван Стома. Па жывых сьлядах даўно памерлых продкаў. – Полацак: Выдавецкая ініцыятыва "Полацкае ляда"
Максім Кутузаў. Князь-ваўкалак. – Мінск: ГаліяфыЗміцер Кустоўскі. Прытулак. – Мінск: ГаліяфыНіна Лістота. Каханні. – Мінск: КнігазборАліна Длатоўская. Ген зямлі. – Мінск: КнігазборЗараслава Камінская. Русалкі клічуць. – Мінск: Кнігазбор

Паэзія

Янка Каліноўскі. Падслуханае сьценамі шматпавярховак. – Мінск: Галіяфы
Яніна Пінчук. Фарбы душы. – Мінск: ГаліяфыУладзімір Мірончык. Беларусам. – Мінск: Каўчэг

Пераклад

Алесь Плотка (з украінскай): Юрый Іздрык. Папяросы. – Самвыдат
Алесь Плотка (з украінскай): Іван Сэмесюк. Эвалюцыя альбо смерць! Прыгоды павіяна Томаса. – Кіеў: Люта справаАндрэй Кім (з ангельскай): Клайв Стэплз Льюіс. Хронікі Нарніі: Леў, Вядзьмарка і Гардэроб. – Мінск: Пазітыў-цэнтрГання Комар, Юля Цімафеева, Наталля Бінкевіч (з ангельскай): Чарльз Букоўскі. Святло, і паветра, і месца, і час. – Мінск: ХарвестАлена Казлова (з фінскай): Цім Парвела. Эла і сябры. – Мінск: Мастацкая літаратураІгар Кулікоў (з санскрыту): Рыгведа. – Мінск: МедысонтМарына Дзергачова (з ангельскай): Мэры Шэлі. Франкенштайн, ці Сучасны Праметэй. – Мінск: Кнігазбор
Кароткі спіс будзе абвешчаны да 1 сакавіка.
Пераможцы прэміі ў кожнай з намінацыяў атрымаюць чэк ад Фонду “Вяртанне” на суму, эквівалентную 2000$ паводле курсу Нацыянальнага банка РБ. Таксама журы можа прыняць рашэнне пра ўручэнне заахвочвальных прызоў.
Сёлета ў журы прэміі ўвайшлі: Павал Бераговіч, Ігар Бабкоў, Міхал Бараноўскі, Марына Весялуха, Сяргей Дубавец, Марыя Мартысевіч, Усевалад Сцебурака.
Прэмія “Дэбют” імя Максіма Багдановіча была заснаваная ў 2010 годзе Беларускім ПЭН-цэнтрам, Дабрачынным фондам “Вяртанне” і Саюзам беларускіх пісьменнікаў. Сярод папярэдніх пераможцаў прэміі — Віталь Рыжкоў, Андрусь Горват, Наталка Харытанюк, Антон Францішак Брыль, Віктар Марціновіч, Андрэй Адамовіч, Міхал Бараноўскі, Адэля Дубавец, Ганна Янкута, Уладзь Лянкевіч, Кацярына Оаро, Кацярына Маціеўская, Аляксей Палачанскі, Таццяна Нядбай, Анатоль Івашчанка, Святлана Рогач і інш.
Лаўрэатамі прэміі “Дэбют” у мінулым годзе сталі Міхал Бараноўскі са зборнікам паэзіі “VOLUMEN 1”, Андрусь Горват з кнігай прозы “Радзіва “Прудок”. Дзённік” і Адэля Дубавец з перакладам з польскай мовы кнігі Вітальда Шаблоўскага “Танец мядзведзяў”.