Юлія Цімашэнка саступіла першае месца ў партыйным спісе лётчыцы Надзеі Саўчанка

На з'ездзе партыі «Бацькіўшчына» лідар партыі Юлія Цімашэнка саступіла першае месца ў партыйным спісе кандыдатаў на выбарах у Вярхоўную Раду лётчыцы Надзеі Саўчанка.



Украінская лётчыца Надзея Саўчанка знаходзіцца пад арыштам у Расіі, дзе яе абвінавачваюць у тым, што яна нібыта садзейнічала забойству двух карэспандэнтаў ВГТРК. Верталётчыцу захапілі сепаратысты ў чэрвені пад Луганскам і пераправілі на расійскую тэрыторыю.
На з'ездзе прадстаўнікі «Бацькіўшчыны» прадэманстравалі рукапісны ліст, дзе Саўчанка дае згоду ўзначаліць спіс партыі.
Сама Юлія Цімашэнка ў выбарчым спісе заняла другое месца, заклікаўшы аднапартыйцаў «адступіць назад» і даць дарогу моладзі.
bbc.co.uk